ИСТАНБУЛ-3 ноќи

1 ДЕН (30.12.2020 – среда) БИТОЛА : Состанок на групата на Градската автобуска станица во 14.00 часот. Поаѓање за Турција во 14.30 часот...патот води преку Прилеп, Велес, Скопје, Куманово, Крива Паланка, Р.Бугарија...денско и ноќно патување, со кратки попатни паузи.

2 ДЕН (31.12.2020 – четврток) ИСТАНБУЛ : Пристигање во утринските часови. Краток одмор – авантурата започнува со пешачката тура (со локален водич)...месноста Бајазит и Капели чаршијата, се спуштаме кон месноста Султанахмет, прошетка низ Хиподромот – место кое во Византиско време бил центар на општествено-политичкиот живот на Константинопол...Сината Џамија – најпозната и најголема џамија во Истанбул, прва изградена со 6 минариња и во чест на султанот Ахмет I. Нејзиното име доаѓа од прекрасниот мозаик на сини и зелени порцелански плочки, со кои е украсена нејзината внатрешност. Аја Софија – симболот на Христијанството, ремек-делото на Византиската архитектура, црквата е изградена за време на владеењето на царот Јустинијан во 6-от век и е посветена на  Божествената мудрост...на крајот, оваа прошетка завршува со посета на Топ Капи палатата, живеалиштето на Султаните, објект кој се простира на преку 700.000 м2...тие патници кои што ќе влезат во внатрешноста на ова величенствено здание, ќе бидат воодушевени од ризницата на султаните, нивниот харем, прекрасно уредени градини, како и од самата резиденција на султанот. Сместување во хотел. Слободно време. Вечерта – припрема за дочек на НОВАТА 2021.година – во согласност со безбедносните протоколи и прилагодување кон препораките за дочекот...враќање во хотел. Ноќевање.

3 ДЕН (01.01.2021петок) ИСТАНБУЛ : Појадок. По појадокот – слободно време за индивидуален разглед на градот или Ви нудиме неповторливо доживување – панорамски разглед на овој мегалополис...Европскиот и Азискиот Истанбул со стручен водич : Аксарај, булеварот Аднан Мендерс, Валенсовиот Аквадукт, мостот Кемал Ататурк, Златниот рог, мостот Галата...следува незаборавното 90-минутно крстарење со брод по Босфор, каде од една поинаква перспектива ќе го доживеете Истанбул...уникатна можност да уживате во спојот на минатото и сегашноста, во погледот кон Долмахче Палатата, безбројни модерни раскошни хотели и приватни куќи, каде се снимани повеќето сцени од најпознатите Турски серии и филмови...Се на СЕ – едно прекрасно доживување без кое посетата на Истанбул е некомплетна. Преку еден од мостовите кои „висат“ над теснецот преминуваме во Азија, се до месноста Ускудар и Моминската или уште позната и како Кулата од Леандрос – изградена на едно мало островче кое е во склопот на Ускудар...слободно време за освежување со кафе, чај во ресторанот кој се наоѓа во самата кула, сето тоа со прекрасен поглед на Босфор и на некогашната Византиска и Османлиска престолнина... нашето „истражување“ на Истанбул продолжува со КАДИКОЈ – еден прекрасен кварт – преплавен со тесни улички, кафе барови, бутици, ресторани...Кадикој цвета со независни уметнички простори, музички простории и разнобојни мурали, што ја прави оваа населба популарно место на истанбулска страна од Анадолија. Многу мурали на Кадикој ги осветлуваат нејзините бетонски sидови. Овој кварт “пука“ од уметност, а нејзините различни креативни заедници се одличен начин за подетално разгледување. Тука, можете да се поврзете со локалните уметници, да купите нивни уметнички ракотворини по пристапна цена и да се придружите на нивните активности...кафетеријата на Фазил Беј е мала оаза – позната по печење и мелење на своите зрна уште од 1923 година и продолжува да привлекува љубители на кафе до ден-денес...Пробајте традиционално турско кафе, и оставете носталгичните Турски песни што свират тука да ве вратат во времето. Во Telalzade сокакот – позната и како античка улица послана со калдрма, ќе пронајдете од стари телескопи, рекордери и гасни ламби до користени книги, фотографии и сребрен накит...на крајот – овој ден го завршуваме со посета на најкосмополитската улица Истикбал и плоштад во Истанбул – ТАКСИМ...враќање во хотел. Ноќевање.

 4 ДЕН (02.01.2021 – сабота) ИСТАНБУЛ : Појадок. Следува посета на една од најпопуларните викенд-дестинации или само дестинација за бегство од градската гужва на граѓаните од Истанбул – ПРИНЦЕСКИТЕ ОСТРОВИ...истите претставуваат Архипелаг од девет острови лоцирани на крајниот северо-исток на Мраморното Море, недалеку од Истанбул (неколку километри). Тие биле позната туристичка дестинација уште во Византиската ера, кога честопати биле користени за испраќање во прогон на претенденти на царскиот трон, по што го добиле своето име. Денес тие претставуваат една од туристичките атракции на овој мегалополис, која се поврзани со трајни фериботски линии кои функционираат во рамките на градскиот превоз во Истанбул. Употребата на моторни возила е забранета на островите, а основен вид на превоз се кочии со коњи. Меѓу важните објекти на нив има неколку православни манастири, академијата на Турската морнарица и денес затвореното Грчко православно училиште...се посетува најголемиот остров во овој архипелаг – Buyuk Ada. Околу пладне – враќање во Истанбул – заминување во посета на ВСЕЛЕНСКАТА (Цариградската) Патријаршија, за многумина – „мајка“ на сите православни цркви во светот...седиштето на Патријаршијата е во црквата Св.Ѓорги (19.век), сместена во некогаш Грчки кварт наречен Фанар, обиколена со високи зидови и бодликава жица (поради Турските напади, дел од зградата до ден-денес има видливи траги од подметнатиот пожар). Моментално – Цариградски Патријарх е Вартоломеј I…враќање во хотел во пладневните часови. Слободно време за одмор или индивидуален разглед на градот. Вечерта – следува посета на EMАAR SQUARE MALL...овој е еден од најновите Трговски Центри во Истанбул, кој дневно го посетуваат околу 60.000 посетители, претставува едно инзвонредно искуство за сите вљубеници на шопингот и гастрономијата...овде ќе најдете трговски брендови кои не се сретнуваат секаде, а исто така во склопот на овој трговски центар има мноштво на ресторани и fast-food, каде ќе можете да се релаксирате и освежите, а можете да го посетите и Аквариумот кој е во склопот на трговскиот центар...Повеќе од 20.000 водни суштества од различни точки на светот се наоѓаат во трговскиот центар EMАAR SQUARE. Аквариумот и подводната зоолошка градина EMАAR им нудат на посетителите уникатни искуства и незаборавни спомени додека ги откриваат чудата на морето...мноштво морски суштества и водоземци, вклучувајќи ги најголемите на светот, блескави убавини, чудни и отровни видови од големите џунгли до длабочините на океаните, ги пречекуваат посетителите во една восхитувачка атмосфера...продолжуваме за WATERGARDEN…овде ќе искусите сосема нов вкус на живот. Целиот трговски центар е структуриран околу величествениот шоу-базен. Ексклузивна кореографија на заслепувачко шоу од вода, светло, ласери, музика и оган, ресторани и кафулиња, продавници за облека, јувелирници, носталгична улица полна со улични вкусови, кино, театар и концертни простори, паркови за игри и авантури со природна глетка...СЕ ова и многу повеќе  се наоѓа во срцето на Аташехир, во WATERGARDEN Истанбул. Враќање во хотел во вечерните часови. Ноќевање.

5 ДЕН (03.01.2021 – недела) ИСТАНБУЛ : Појадок. По појадокот – одјавување од хотелот. Следува посета на „Турскиот Версај“ - Долмабахче Палатата преставува првата историска палата во Османлиската империја, изградена во европски стил. Од нејзината изградба во 1853-та година до 1922 година (со прекин од 20 години) служела како главна резиденција на султанот. Тука живеел и починал Мустафа Кемал Ататурк, основачот на турската држава, наследена и отпратена во историјата во 19. и 20. век, претходна некогаш и главна (во 16. и 17. век) Отоманска империја. Продолжуваме кон Т.Ц. OUTLET 212 - можност за шопинг во еден од најголемите трговски центри во Истанбул. Планирано поаѓање за Македонија околу 17.00 часот по локално време. Пристигнување во Битола во утринските часови – наредниот ден.

ЦЕНА НА АРАНЖМАНОТ :                6.140,00 ден. (99 €)за УПЛАТИ до 28.11.2020 !!!

 

                                                              7.380,00 ден. (119 €) – РЕДОВНА ЦЕНА

ЦЕНАТА НА АРАНЖМАНОТ ВКЛУЧУВА : Автобуски превоз на горенаведената релација, 3 НП во хотел со 3*, разглед на Историскиот дел на Истанбул (пешачка тура – 2.ДЕН) со локален водич, посета на ТЦ „OUTLET 212“, пратител на група, организација и реализација на патувањето. ТРАНСФЕРИ на патници БЕЗ НАДОКНАДА од Струга, Охрид, Ресен, Кичево, Прилеп, Кавадарци, Велес, Скопје и Куманово.

ЦЕНАТА НА АРАНЖМАНОТ НЕ ВКЛУЧУВА :

2.ДЕН – ФАКУЛТАТИВА : ТОП КАПИ Палатата (влезница+локален водич - минимум 30 патници)+ноќна посета на ТАКСИМ и ИСТИКБАЛ – 25 € по лице; Дочекот на НОВАТА ГОДИНА (цената за истиот ќе биде објавена накнадно, во согласност со безбедносните протоколи кои Р.Турција ќе ги соопшти за тој настан);

3.ДЕН – ФАКУЛТАТИВА : Панорамскиот разглед на Европскиот и Азискиот Истанбул+Крстарење со брод по Босфор; посета на Моминската кула/УСКУДАР+посета на КАДИКОЈ+ТАКСИМ – 40 € по лице (автобус+локален водич-минимум 30 патници); 

4.ДЕН – ФАКУЛТАТИВА : ПРИНЦЕСКИТЕ ОСТРОВИ + ЦАРИГРАДСКА ПАТРИЈАРШИЈА - 15 € по лице (автобус+траект+локален водич); посета на EMAAR SQUARE MALL+посета на WATERGARDEN – 15 € по лице (автобус+локален водич-минимум 30 патници);

5.ДЕН – ФАКУЛТАТИВА : ДОЛМАБАХЧЕ Палатата - 25 € по лице (автобус+влезница+локален водич);

ОПИС НА ФАКУЛТАТИВАТА :

-          ТОП КАПИ ПАЛАТАТА

Сарајот Топкапи е една од најголемите градби во срцето на Истанбул. Оваа исклучително важна палата била седиште на Отоманската империја повеќе од 4 века, а денес претставува еден од најпосетените музеи во „Главниот град на светот“. Палатата Топкапи се наоѓа помеѓу Мраморно Море и Златниот Рог, недалеку од Света Софија. Овој објект бил седиште на Османлиските султани и административен центар на Отоманската империја во периодот од 1456 до 1853 година, кога султанот Абдул Меџид решил да го подигне Долмабахче Сарај и таму да го пресели целиот државен апарат.

-          ДОЛМАБАХЧЕ ПАЛАТАТА

Долмабахче Сарај е палата што се наоѓа во областа Бешикташ во Истанбул, на европската страна од протокот Босфор. Комплексот служел како резиденција на Отоманските султани и главен административен центар, од 1856 година, до падот на Империјата во 1922 година. Денес, Долмабахче Сарај претставува туристичка атракција од неколку причини. Грандиозноста е нешто што секогаш ќе ги привлекува посетителите што сакаат барем за миг да ѕирнат во минатото и да го почувствуваат амбиентот во кој живееле отоманските благородници. Палатата, исто така, е дом и на најголемиот лустер од бохемиски кристали во светот, со 750 светилки и тежина од 4,5 тони, кој бил подарок од британската кралица Викторија. Покрај овој лустер, во палатата може да се најде и најголемата колекција на слични лустери. Сарајот е познат уште и по тоа што таткото на модерната Турција, Мустафа Кемал Ататурк, ги поминал своите последни денови во една од одаите, каде што и починал на 10 ноември, 1938 година.

-          КРСТАРЕЊЕ ПО БОСФОР

Претставува неизбежен дел во посетата на Истанбул. Во 90 минутното крстарење, ќе уживаме во погледот кон минатото и сегашноста, од модерни раскошни хотели, палати до приватни куќи. За време на патувањето се поминува покрај прекрасната Долма Бахче Палата, зелените паркови и царските паваљони на Јилдиз Палатата, Белербеј Палатата која се наоѓа покрај самиот мост од Азиската страна, под мостовите кои го делат Истанбул на Азиски и Европски дел… незаборавно доживување, без кое престојот во Истанбул не е комплетен…

НАПОМЕНА : За реализација на овој аранжман, потребен е минимум од 40 патници, во спротивно, крајниот рок за известување околу евентуален отказ на аранжманот е најкасно 5 дена пред датумот на поаѓање.

-          Патувањето се одвива според новите COVID 19 пропишани протоколи за работа со туристички групи.

-          За ова патување не е потребно PCR тест.

-          Патниците се должни во секое време да внимаваат на својата и безбедноста на сите во групата, како и да ги почитуваат дадените насоки и препораки за однесување во автобус од страна на организаторот.

-          Доколку дојде до непредвидена „виша сила“ за нереализирање на патувањето, поради новонастанати ситуации кои агенцијата не можела да ги предвиди, уплатените средства ќе бидат вратени на клиентот.

-          Патниците се должни самите да внимаваат на валидноста на нивните пасоши. За влез во Турција, пасошот треба да важи минимум 6 месеци од денот на враќање, во спротивно можно е патникот да не биде пуштен на територијата на Република Турција. Агенцијата не сноси одговорност доколку настане проблем на самата гранница и не е во обврска да рефундира средства од аранжманот, ниту да обезбедува повратен превоз до Македонија.

-          Доколку патувањето се реализира според планираното и нема никакви пречки за негова реализација, а дојде до откажување од страна на патникот, тогаш откажувањето ќе се реализира во согласност со општите услови за патување.

-          Земете предвид дека поради државни или верски празници на одредена дестинација на одредени локалитети или трговски центри, продавници и ресторани, музеи можно е да не работат, па постои можност да се смени редоследот на одредени содржини во програмата.

-          Агенцијата е должна до два дена пред тргнување да ги извести патниците за часот и местото на тргнување.

-          Во хотелите се влегува на првиот ден од престојот од 14 часот. Хотелот од оваа понуда е регистриран, прегледан и стандардизиран од страна на Националната туристичка асоцијација на земјата. За евентуална отстапка од квалитетот на услугата, организаторот не сноси одговорност, бидејќи тоа зависи исклучиво од хотелот.

За отказ на резервација важат опшите услови, односно :

- за отказ до 30 дена пред патувањето се задржува 30% од сумата.
- за отказ 29 до 15 дена пред патувањето се задржува 50% од сумата.
- за отказ 14 до 5 дена пред патувањето се задржува 80% од сумата.
- за отказ 5-0 дена пред патувањето се задржува 100% од сумата.

Агенцијата го задржува правото за измена на редоследот на поедини содржини во програмата (застој во сообраќај, локални штрајкови, локали предупредувања, каснење на патници, непочитување на сатница закажана однапред од страна на агенцијата.

ПОСЛЕДЕН РОК ЗА ПРИЈАВУВАЊЕ : 25.12.2020 !!!

Со оваа програма важат Општите услови на т.а. ПАЛАС и СКТМ.